Шведова мен Дияс «Уимблдоннан» кейін әлемдік рейтингте жоғары ілгеріледі

«Уимблдонда» сәтті өнер көрсеткен қазақстандық теннисшілер әлемдік рейтингтегі жағдайларын түзеп алды, деп хабарлайды sports.kz сайты.

Қазақстанның бірінші ракеткасы Ярослава Шведова WTA рейтингінде 52-орынға көтерілді. 53-орында тағы бір қазақстандық Зарина Дияс орналасқан. Галина Воскобоева 107-сатыға құласа, Сесиль Каратанчева 183-орынға дейін төмендеді. Юлия Путинцева (214-орын) мен Камила Керімбаева (303-орын) да рейтингтегі көрсеткіштерін жақсарта алмады.