Шағын бизнес үшін интернет-маркетинг жөніндегі 5 кеңес: сатуды қалай арттыру керек?

19 июня 2014, 12:54

2462

365info.kz порталы украиналық Netpeak интернет-маркетинг агенттігінің жетекшісі Артем Бородатюкпен бірлесіп, өз ісін жаңадан бастағандар мен тәжірибелі кәсіпкерлерге арналған ақыл-кеңестерін әзірледі.

Интернет арқылы бизнес ұйымдастыру — қай саланы алсақ та өте тиімді әдіс саналады. 9 миллион адамды қамтитын қазақстандық қазақстандық аудиторияны есепке алсақ — бизнестің мұндай жолы өсімі ең жылдам және әлеуеті зор болып табылады.

Артем Бородатюк, Netpeak интернет агенттігінің жетекшісі

1. Бәрін санмен өлшеңіз

Егер сіз сайт ашсаңыз — оның құны қанша, ол сайт арқылы сауданы қаншалықты арттыруға болатынын есептеуіңіз керек. Егер интернетке жарнамаңызды берсеңіз — ол жарнаманың нақты қанша сатылым, транзакция мен табыс беретінін есептеуіңіз керек.

2. Сайтты үнемі дамытып отырыңыз

Көп кәсіпкерлер сайтты жасап болғаннан кейін іс бітті деп ойлайды. Бұл — қателік. Сайт жасау — оффлайн саудадан онлайн саудаға қарай жасалған алғашқы қадам ғана. 2013 жылдың қорытындысы бойынша, Қазақстандағы барлық сауда-саттықтың 1,2 пайызы интернеттің үлесіне тиіпті. Салыстыру үшін айта кетсек, Ұлыбританияда бұл көрсеткіш 12 пайызды құрайды. Бұл дегеніміз — әлі кем дегенде 10 есеге дейін өсім болуы мүмкін.

3. Жаңа құралдарды пайдаланып көріңіз

Интернеттен өз бизнесіңізге қатысты түрлі сауалнамаларды зерттеп көріңіз. Сол арқылы өзіңіздің бизнесіңізге сәйкес келеді-ау деген бір немесе бірнеше құралдарды таңдаңыз. Әрине, не істесеңіз де ең алдымен табыс табуды көздеуіңіз керек.

4. Орта бизнеске айналуға тырысыңыз

Шынында да дәл солай. Көшбасшы болу үшін алға қарай ұмтылу керек. Алдыңызға жаңа мақсаттар қойыңыз. Интернетте AB-тест жүргізу мүмкіндігі бар: сайтыңыздың қолданушыларының жартысы сіздің интернет-дүкеніңіздің жаңа дизайнын көреді, қалған жартысы ескі дизайнын ғана көреді. Осылайша қайсысында сауда көбірек жүретінін біліп, таңдауды соған түсіруге болады.

5. Бренд жасауға тырысыңыз

Өзі ісіңіздің атын шығаруға тырысыңыз. Мұндай жағдайда SEO, PPC (мән-мәтін арқылы жанрамалау), email-маркетинг (арзандығы жағынан ең тиімді әдіс) көп нәтиже бере алады. Сайтқа тікелей кірушілердің үлесі арта түседі әрі адамдар сайтыңызға көз үйрете бастайды.

Ұлттық электрондық сауда-саттықтың ерекшеліктері

Қазақстандық интернет пайдаланушыларының 11 пайызы интернет арқылы қызметтер үшін есеп айырылысады, тағы 11 пайызы интернет арылы тауар сатып алады.
Қазақстандықтардың интернетте жасайтын саудаларының 90 пайызға жуығы шетелдік интернет-дүкендерде жасалады.
Қазақстанадғы e-commerce нарығының басым бөлігі «Air Astana» мен «Қазақстан темір жолы» АҚ-на тиесілі.
Көбінесе баннерлік жанраманың үлесі басым.
Интернет-жарнама – жарнама нарығының 4 пайызын құрайды.
Қазақстандағы e-commerce нарығының көлемі 400 миллион доллардан асады.
Жылдық өсімі 100 пайызды құрайды.
Нарықтың 2015 жылға арналған болжамы — 3 ,5 миллиард доллар (бүкіл нарықтың 5,1 пайызы, 11 миллион тұрақты қазақстандық сатып алушылар).