Бразилияда әлем чемпионатының өтуіне қарсы топтардың ереуілдері жалғасуда

Бразилияда басталған футболдан әлем чемпионаты тек жанкүйерлердің әндерімен ғана емес, аталған шараның өтуіне қарсы наразы топтардың ереуілдерімен де жалғасып жатыр.

Жанжалдар тек Рио-де-Жанейродағы танымал Маракана алаңының ішінде ғана емес, сондай-ақ оның сыртында да болды. Мұнда ереуілшілер бас көтеріп, алаңның ішіне өтпек болған. Полицейлер оларды тарату үшін көз жасаурататын газ қолдануға мәжбүр болды.

Тәртіп сақшылары Сан-Паулудағы әріптестерінің тәжиірбесіне қарай отырып, ереуілшілердің метроны пайдалануына жол бермеді. Жергілікті ақпарат көздерінің хабарлауынша, наразы топ Маракана маңындағы банк ғимараттарының бірін талқандаған. Полицейлермен қақтығыс кезінде 1 адам жарақат алды.