Қазақстанда ҰБТ аяқталды

ҰБТ тапсырған 87593 түлектің тек төртеуі ең жоғарғы көрсеткішке қол жеткізді.

Ұлттық тестілеу орталығының сайты хабарлағандай, ҰБТ-ның соңғы, 7-ші күні де аяқталды. Тестілеуге 87593 түлек қатысты, оның ішінде, қазақ тілінде білім алған 61678 түлек, орыс тілінде білім алған 25915 .

Ең жоғарғы көрсеткіш, 125 балл жинаған түлектер:

• Әбдіжапар Айғаным Бахытқызы (Алматы қаласындағы №178 лицей );
• Марат Әсия Жандосқызы (Алматы қаласындағы Ы.Алтынсарин атындағы №159 гимназия);
• Ахметжанова Шахзода Анваровна (Шымкент қаласындағы Космодемьянская атындағы №23 мектеп-лицей);
• Ержанова Ұлпан Ержанқызы (Оңтүстік Қазақстан облысы, Ордабасы ауданы, Ғ.Мұратбаев атындағы жалпы орта білім беру мектебі).

«Екіліктер» де бар: 5013 түлек тестілеудегі бес пәннің бірінен «қанағаттанарлықсыз» деген баға алды.